Fushata elektorale: LDK e vendosur ta ruajë Lipjanin (VIDEO)

Fushata elektorale e Lidhjes Demokratike të Kosovës ka vazhduar në Lipjan, ku është mbajtur një tubim me qytetarët në kuadër të zgjedhjeve komunale.

Kryetari aktual, Imri Ahmeti, ka kërkuar mbështetjen për edhe një mandat, duke u zotuar se do të vazhdojë projektet e nisura dhe do të realizojë plane të reja për zhvillimin e komunës.

Para lipjanasve, Ahmeti fillimisht ka folur për punën e bërë gjatë katër viteve të kaluara, duke përmendur investimet në infrastrukturë, arsim dhe shëndetësi, raportoi gazetarja e Klan Kosovës, Altiana Zogaj.

Siç tha ajo, Ahmeti, ka theksuar rëndësinë e mbështetjes për rininë dhe sportin, duke përmendur ndërtimin e qerdheve të reja, vendosjen e mësimit gjithëditor në disa shkolla dhe zhvillimin e projekteve të gjelbra si ndërtimi i shtretërve të lumenjve dhe dy nënkalimeve të reja në qytet.