FSSHK: Punëtorët e shëndetësor nuk janë të mbrojtur nga koronavirusi

Federata Sindikale e Shëndetësisë i ka bërë thirrje të posaçme Komisionit për parandalimin e koronavirusit. FSSHK në njoftimin e dërguar për media shpreh brengën se punëtorët shëndetësor nuk janë të mbrojtur nga Covid-19. Federata Sindikale thekson se mbrojtja e tyre duhet të bëhet patjetër. "Punëtorët shëndetësor nuk janë të mbrojtur në masën e duhur me qëllim të parandalimit të këtij infeksioni (këto informatat vijnë nga terreni) Të nderuar anëtarë të Komisionit ju lutemi të merrni masa parandaluese me qëllim të mbrojtjes së punëtorëve shëndetësor aty ku mund të kemi probleme nga stafi teknik apo sanitar e deri tek profesionistët shëndetësor ". "Ju lutemi,ju lutemi,ju lutemi, mbroni punëtorët shëndetësor dhe stafin mbështetës që ta luftojmë këtë Pandemi. Federata e Sindikatave të Shëndetësisë së Kosovës është në gjendje gatishmërie 24 orë që të marrim urdhëra nga Ju".