Franco Foda konfirmon: Mund të rri te Kosova

Përzgjedhësi i Kombëtares së Kosovës, Franco Foda, ka dhënë një lajm të rëndësishëm për të ardhmen e tij në krye të “Dardanëve”. Trajneri gjerman ka konfirmuar se janë duke u zhvilluar bisedime për vazhdimin e bashkëpunimit me Federatën e Futbollit të Kosovës. “Po, është e vërtetë që po zhvillohen bisedime. Si federata, ashtu edhe trajneri duhet të jenë të kënaqur – me ambientin, me profesionalizmin. Prandaj është plotësisht e mundur që të qëndroj në Kosovë edhe për një periudhë më të gjatë”, deklaroi ai për mediat gjermane. Në rast se marrëveshja konfirmohet, Foda pritet të vazhdojë projektin e nisur me “Dardanët”, me synimin për ta ndërtuar një ekip të fortë dhe konkurrues në arenën evropiane.