Wendy Madison Bauer, e fejuara e aktorit të ndjerë Luke Perry, ka folur për herë të parë pas vdekjes së tij, gjatë javës së kaluar, transmeton Klan Kosova.
Fejesa e aktorit me Bauer, u zbulua pasi ai vdiq.
“Unë dua të shpreh mirënjohjen time për të gjithë ata që na mbështetën”, tha Bauer në një deklaratë për People.
“Tregimet e panumërta dhe të ngrohta të bujarisë dhe mirësisë së Luke kanë qenë një burim i madh ngushëllimi gjatë kësaj kohe të vështirë”.
“11 vitet e fundit me Luke, ishin vitet më të lumtura të jetës time dhe jam mirënjohëse që kam kaluar kohë me të”, shtoi ajo.
“Gjithashtu dua të falënderoj fëmijët, familjen dhe miqtë për dashurinë dhe mbështetjen e tyre. Ne kemi gjetur ngushëllim në njëri-tjetrin. Ai do të na mungoj shumë”.
●●●
VSHKRIMI NGA
V.R.
Editorial nga Klan Kosova — ndjek prive dhe zhvillimet e tjera kryesore të vendit.
