Lajmet e fundit
Fjolla që në moshë shumë të re ka filluar të merret me vetullat. Ajo ka përfunduar shkollën e estetikës dhe aty vendosi që pasionin e saj për vetullat ta kthejë në profesion qysh nga mosha 16 vjeçare. Klankosova.tv ka kontaktuar me të për ta pyetur rreth punës dhe lokalit të saj i cili quhet “BROWSBYFJOLLA”. “BROWSBYFJOLLA është lokali i parë në Kosovë që merret vetëm me vetullat. Lokali im i parë është hapur kur isha në moshën 21 vjeçare dhe tash e katër vjet vepron të njëjtin profesion dhe vlen të theksohet që është i vetmi vend jo vetëm në Kosovë, por edhe në ballkan që merret vetëm me vetullat”, ka thënë Beka.
Tutje, ajo tha se tek lokali i saj, ofrohen të gjitha shërbimet që kanë të bëjnë vetëm me vetullat. BROWSBYFJOLLA – përveç që është adresë e shumë grave të cilat formësojnë vetullat aty, të famshmet shqiptare si Tayna, Dhurata Dora, Morena Taraku, Adrola Dushi, Lori Hoxha, Elita Rudi dhe të tjera, kanë zgjedhur këtë lokal për të arritur vetulla perfekte në përditshmëri dhe ekran.
Beka tha se puna me të famshme shqiptare është privilegj për të madje e ka cilësuar të thjesht punën me ato pasi tash e shumë vite, artistet janë pjesë e punës së saj. “Të kesh punë me fytyrat më të famshme në Kosovë dhe Shqipëri, është privilegj për mua. Të gjitha janë unike në shijet e tyre sa i përket preferencave tek vetullat dhe kjo e bën punën edhe më të veçantë”. Për ju që nuk e dini, BROWSBYFJOLLA në Prishtinë në një lokacion të ri dhe mjaft luksoz dhe punon nga e hëna deri të shtunën duke filluar nga ora 10:00 deri në orën 18:00./klankosova.tv
