‘Fitore e madhe për Afrikën e Jugut pavarësisht se GjND-ja s’vendosi për armëpushim

Analist i lartë politik i Al Jazeera, Marvan Bishara, vlerëson se fakti që Gjykata Ndërkombëtare e Drejtësisë vazhdoi për gati 36 minuta duke ngritur çështjen se përse, para së gjithash, ka një mosmarrëveshje midis Afrikës së Jugut dhe Izraelit, se Afrika e Jugut ka të drejtë ta adresojë këtë çështje në GjND – dhe së dyti, se GjND-ja ka juridiksion në rastin e Gazës, atëherë kjo do të thotë se dyshon se ka gjenocid që po ndodh brenda Gazës.

Sipas tij, kjo Gjykata Ndërkombëtare e Drejtësisë do ta trajtojë këtë çështje, raporton Klan Kosova.

“Në thelb, GjND-ja ishte duke argumentuar se kishte çdo provë që mund të çonte në faktin se Izraeli po kryen një gjenocid në Gaza. Afrika e Jugut kërkoi para së gjithash një armëpushim. Por parimi këtu që një gjykatë e drejtësisë të pranojë rastin dhe fakti që ata duan që raportet nga Izraeli të ecin përpara është, në një mënyrë të madhe, një fitore e madhe për Afrikën e Jugut”, është shprehur ai.

“Unë jam i trishtuar nga fakti që nuk ka armëpushim, por nuk jam aq i trishtuar sepse e di që Izraeli nuk do ta zbatojë armëpushimin. Ne e dinim që nga dy javët e fundit se Izraeli nuk do t'i përmbahej asnjë vendimi të armëpushimit”, ka shtuar analisti Marvan Bishara.