Filmat shqiptarë shfaqen në New York nga 30 tetori deri me 5 nëntor

Java e Filmit Shqiptar hapi siparin mbrëmjen e 30 tetorit në edicionin IV-të të saj në New York.

Ky event u mbajt në kinemanë Bow Tie në Manhattan. Në tapetin e kuq sivjet kaluan përfaqësues të dalluar të komunitetit shqiptar në Amerikë, pjesë e tij ishin dhe rrjeti i biznesmenëve të Diaspores nga Dallas me drejtor Nik Mehmeti të cilët e mbështeten financiarisht këtë event.

Nuk mungoi gjatë mbrëmjes as bankieri i njohur shqiptar Richard Lukaj.

Pjesëmarrja ishte e larmishme, përfaqësues të institucioneve të ndryshme diplomatike, kulturore, dhe fushave të tjera. I pranishëm ishte dhe  Mark Gjonaj i cili gjithashtu ka mbështetur Javën e Filmit Shqiptar, njofton Klan Kosova.

Më pas mbrëmja vazhdoi me Ceremoninë e Hapjes, nën prezantimin e dy shqiptarëve në New York Kozeta Turishta - gazetare dhe Lulëzim Bucolli – aktor. Në sallë ishin të pranishëm gjithashtu dhe përfaqësues të medias shqiptare dhe asaj amerikane të cilët me interes përcollën atmosferën e një mbrëmjeje plot klas.

Mrika Krasniqi, themeluese dhe Producente e Javës së Filmit Shqiptar, hapi zyrtarisht edicionin e IV-të, ku përshëndeti dhe falenderoi të gjithë të ftuarit në sallë.

Ky edicion u përfaqësua nga juria e mëparshme profesioniste:

1. Louis Romano shkrimtar amerikan


2. Xhevat Limani regjisor aktor


3. Gjilberta Lucaj cellomuzikante


4. Vlora Qosja skenariste


5. Shpend Xani aktor

Filmi që hapi mbrëmjen ishte: Tri dritare dhe një varje të regjisorit të njohur shqiptar Isa Qosja , filmi u prit shumë mirë nga të pranishmit në sallë ku mes të ftuarve nderuan dhe Iris Elezi, Thomas Logoreci regjisore të filmit "Bota" i nominuar për çmimin Oscar.

Filmi Bota, do shfaqet me 5 n2ntor ne Bow Tie Cinema Manhattan, që do jetë edhe mbyllja e këtij eventi.

Arben Zharku, drejtor i Qendrës Kinematografike së Kosovës  i cili erdhi posaçërisht për të qenë pjesë e Javës së Filmit Shqiptar.

Zharku foli gjatë për zhvillimin e kinematografisë së Kosovës për temën e Dhunimit të Grave gjatë Luftës në Kosovë, objekti kryesor i filmit, njofton Klan Kosova.

Java e Filmit Shqiptar, do vazhdoj deri më 5 nëntor  ku gjatë këtyre ditëve do promovohet dhe Kultura ilire.

Filmat që do shoqërojnë netët në vijim janë: Ansambli Shota Toka e Grave, Një Shekull larg Boletinit Piano Fati Elektricisti i Nëntokës Përtej Malit Qëndrimi Fundit i Plakut Dhe filmi Bota që do mbyllë këtë edicion për këtë vit.

Java e Filmit Shqiptar si i vetmi aktivitet në llojin e tij që shërben për promovimin e Kinematografisë bën të mundur prezantimin më dinjitoz të kulturës dhe traditës shqiptare.