Filharmonia e Kosovës për herë të parë me koncert në Vjenë

Orkestra Harkore e Filharmonisë së Kosovës, do të paraqitet sonte me një koncert në Vjenë, nën drejtimin e dirigjentit Edon Ramadani. Ky koncert organizohet në bashkëpunim me Ambasadën e Republikës së Kosovës në Austri dhe do të mbahet në ora 19:00, në Haus der Industrie – King’s Hall, në Vjenë. Në program do të interpretohen vepra nga Felix Mendelssohn, Drinor Zymberi dhe Valton Beqiri, me pjesëmarrjen e sopranove Arta Jashari dhe Zana Abazi - Ramadani. Ky është prezantimi i parë i Filharmonisë së Kosovës në kryeqytetin austriak dhe vjen në kuadër të shënimit të 18-vjetorit të Pavarësisë së Republikës së Kosovës./Klankosova.tv