FFK mirëpret "Dardanët" e rinj: "Kosovë, mirë se ju gjetëm" (VIDEO)

Kombëtarja e Kosovës në futboll do të zhvillojë dy ndeshje miqësore këtë muaj. "Dardanët" në "Fadil Vokrri, më datë 6 dhe 9 qershor, do të presin Armeninë dhe Komorosin. Gjatë ditës së sotme, Federata e Futbollit të Kosovës, publikoi një video të veçantë ku mirëpret yjet e rinj, që do të bëjnë paraqitjen e parë me Kosovën. Në video janë lojtarët si Bledian Krasniqi i Zurichut, Florian Haxha i Kapfenberger SV-së si edhe Ron Raçi i Prishtinës, të cilët do të debutojnë për herë të parë me fanellën dardane. Kosova nis ndeshjen e parë me Armeninë, të premten, ndërsa me Komorosin javën e ardhshme.