Festivali Ndërkombëtar i Muzikës fillon maratonën e koncerteve

Mbrëmja e së martës, pret hapjen e Festivalit Ndërkombëtar të Muzikës në Prishtinë, i cili vjen në edicionin e tij të 11-të. Festivali ‘’DAM’’, do të fillojë maratonën e koncerteve të cilat do të mbahen deri më 26 shtator, njofton Klan Kosova. Koncertit do t'i paraprijë performanca "Domosdoshmërritë e harrnuara" nga dy artistë kosovar Lola Sylaj dhe Dardan Zhegrova, vepër kjo e cila ngërthen në vete disa mediume arti. Sylaj dhe Zhegrova janë finalistë të konkursit  "Artistët e së nesërmes". Kori i Flautëve të Kosovës në përbërje të 20 anëtarëve të drejtuar nga flautisti beogradas Ljubisa Jovanovic do interpretojnë një repertor tejet atraktiv për publikun. Kjo njëherësh do të jetë prezantimi i rezultati të punëtorisë disa ditore të flautistëve nga Kosova, Shqipëria dhe Maqedonia me pedagogun Jovanovic i cili ndryshe njihet edhe si artist i markës Haynes. Ndërsa pjesa qendrore e mbrëmjes do jetë koncerti i trios Triisimo në përbërje të pianistes Olga Zado - njëherësh artiste e markës Seintëay & Sons, violinistit Robert Koëalski - koncertmjeshtër i "Orchestra della Svizzera Italiana" si dhe violonçelisti Boris Nedialkov i cili aktivitetin e tij koncertal e ushtron në Amsterdam. Festivali DAM është themeluar në vitin 2006 dhe që atëherë qëllim kryesor ka promovimin e artistëve të rinj. Festivali do të mbyllet me 26 shtator me recitalin e kitaristit Drilon Çoçaj, njofton Klan Kosova.