Ferizaj nuk e shfrytëzon "gabimin" e Malishevës, barazon 1-1 në udhëtim te Llapi

Pavarësisht se arritën që ta marrin avantazhin në minutën e 59-të, kur Erion Sadriu realizoi për 0-1, "Ujqit" nuk dolën nga stadiumi "Zahir Pajaziti" me tri pikë. Llapi barazoi shumë shpejtë nga penalltia, me Ardit Tahirin, njofton Klankosova.tv. Kjo ishte gjithçka sa i përket golave në këtë ballafaqim, andaj Ferizaj mbetet me pikë të njejta me Malishevën (nga 49), duke e vazhduar garën për vendin e tretë që dërgon në eliminatoret e UEFA Europa Conference League. Tri pikë më pak i ka Gjilani që qëndron prapa tyre. Llapi ndërkohë mbetet në zonën e barazhit, me 41 pikë, pesë sosh më shumë se Suhareka, me të cilët në xhiron e ardhshme e zhvillojnë duelin direkt për "mbijetesë", raporton Klankosova.tv. Deri në fund të edicionit 2024/25 kanë mbetur edhe tri javë futbollistike për të zhvilluar në "Albi Mall" Superligë, ku edhe do të definohet se kush largohet nga elita, e kush do të luaj në Evropë.