Fëmijët afrikanë do të vaksinohen kundër malaries, OBSh-ja e cilëson si moment historik

Fëmijët në pjesën më të madhe të Afrikës do të vaksinohen kundër malaries në një moment historik në luftën kundër sëmundjes vdekjeprurëse. Malaria ka qenë një nga plagët më të mëdha mbi njerëzimin për mijëvjeçarë dhe kryesisht vret foshnjat. Të kesh një vaksinë, pas më shumë se një shekulli përpjekje, është ndër arritjet më të mëdha të mjekësisë, shkruan BBC, transmeton Klankosova.tv Vaksina, e quajtur RTS, S, u vërtetua efektive gjashtë vjet më parë, dhe tani, pas suksesit të programeve të imunizimit pilot në Gana, Kenia dhe Malawi, Organizata Botërore e Shëndetit thotë se vaksina duhet të hidhet në të gjithë Afrikën Jugore dhe në rajone të tjera me transmetim të moderuar dhe të lartë të malaries. Tedros Adhanom Ghebreyesus, drejtor i përgjithshëm i OBSh-së, ka thënë se ky ishte një moment historik. "Vaksina e shumëpritur e malaries për fëmijët është një përparim për shkencën, shëndetin e fëmijëve dhe kontrollin e malaries. Ajo mund të shpëtojë dhjetëra mijëra jetë të rinj çdo vit", ka thënë ai. Malaria është një parazit që pushton dhe shkatërron qelizat e  gjakut në mënyrë që të riprodhohet, dhe përhapet nga pickimi i mushkonjave që thithin gjak. Droga për të vrarë parazitin, rrjetat për të parandaluar kafshimet dhe insekticidet për të vrarë mushkonjat kanë ndihmuar të gjitha në uljen e malaries. Më shumë se 260 mijë fëmijë vdiqën nga kjo sëmundje në Afrikë në vitin 2019.