FAJKONJTË KOSOVARË FLUTUROJNË LART MBI MALTË

Ka përfunduar ndeshja ndërmjet Maltës dhe Kosovës. Lojtarët e Kosovës kanë shënuar pesë gola kundër maltezëve, duke përfunduar kështu ndeshja 5-0 njofton Klan Kosova. Golin e parë e ka shënuar Vedat Muriqi, të dytin e shënoi Benjamin Kololli, të tretin dhe të katërtin Donis Avdiaj ndëra të pestin Milot Rashica. Kjo ndeshje ishte tepër e rëndësishme për Kosovën në kuadër të Ligës së Kombeve për kualifikim të mëtutjeshëm. Kosova do ta ketë edhe një ndeshje tjetër e cila do të jetë mjaft e vështirë ndaj Azerbejxhanit në Prishtinë, në stadiumin "Fadil Vokrri". Kjo ndeshje do të luhet të martën më 20 nëntor.

klankosova.tv