EULEX reagon për rastin "EULEX- Lumezi"

Misioni i EULEX-it, ka reaguar në raportin e Klan Kosovës,  të emetuar më 19 prill 2016 lidhur me hetimet e Agjencisë Anti-korrupsion për konfliktin e mundshëm të interesit në një vendim të kryeprokurorit të shtetit, Aleksandër Lumezi.

Rasti i diskutueshëm ishte pjesë e hetimit të nisur më herët, ndaj vetë misionit të EULEX-it në dyshimet për korrupsion.

E Klan Kosova, bazuar në burime të veta kishte raportuar gati një vit më herët, se një bastisje e autorizuar nga shefi Gabriele Meucci, kishte ndodhur në sirtarët e Task Forcës që e kishte hetuar këtë rast, derisa operacioni ishte kryer nga karabinierët italianë.

E sikur atëbotë, edhe kësaj radhe EULEX ka reaguar duke sqaruar se bastisja nuk ka ndodhur e as nuk ka pasur involvim të karabinierëve Italian, nuk është i vërtetë.

Në reagim thuhet se EULEX-i nuk ka njësi të karabinierëve dhe Shefi i Misionit nuk urdhëron operacione policore. Ndërsa, thuhet se EULEX-i kurrë nuk ka pasur as në organogram zyra që përmenden në raport.

Pavarësisht reagimit të misionit evropian, Klan Kosova e mbështet raportin në burime të sigurta.