Escobar takon Vuçiqin në Beograd

Emisari i Shteteve të Bashkuara të Amerikës për Ballkanin Perendimor, Gabriel Escobar, është takuar në Beograd me presidentin e Serbisë, Aleksandar Vuçiq. Vuçiq në llogarinë e tij në Instagram, ka shpërndarë një fotografi ku shihet duke i shtrënguar duart me diplomatin amerikan, njofton Klan Kosova. Të mërkuren Gabriel Escobar qëndroi edhe në Kosovë ku zhvilloi takime të ndara me presidenten Vjosa Osmani dhe kryeministrin Albin Kurti. Në të dyja takimet, ai e konfirmoi mbështetjen e Shteteve të Bashkuara të Amerikës për aspiratat euroatlantike të Kosovës.

klankosova.tv