Presidenti turk, Rexhep Tajip Erdogan ka thënë se propozimi i Rusisë për të mbajtur një raund tjetër bisedimesh paqeje me Ukrainën në Stamboll muajin e ardhshëm, ka rritur shpresat për paqe, raporton Skynews, transmeton Klan Kosova.
Duke folur me gazetarët në një fluturim nga Azerbajxhani, Erdogan tha se qeveria e tij ishte në kontakt me të dy vendet dhe shtoi se momenti i fundit në përpjekjet për paqe ishte një mundësi për të arritur paqe të qëndrueshme.
"Rruga drejt zgjidhjes kalon përmes më shumë dialogut dhe diplomacisë", ka thënë udhëheqësi turk nga zyra e tij sot, duke shtuar se po përdorin gjithë fuqinë dhe potencialin e tyre diplomatik për paqe.
Kremlini ka deklaruar se ishte ende duke pritur një përgjigje nga Ukraina mbi propozimin e Rusisë për të mbajtur raundin e ardhshëm të bisedimeve të paqes në Stamboll më 2 qershor, për të filluar diskutimet mbi projekt-memorandumet për një marrëveshje paqeje.
Rusia dje propozoi raundin e ri të negociatave të drejtpërdrejta, duke synuar t'i paraqesë Ukrainës një memorandum që përshkruan atë që ky shtet e përshkroi si elementët kryesorë për "kapërcimin e shkaqeve rrënjësore" të konfliktit.
●●●
EVSHKRIMI NGA
E V
Editorial nga Klan Kosova — ndjek lajme dhe zhvillimet e tjera kryesore të vendit.
