“EPP krenare që ka në gjirin e saj LDK-në”

Presidenti i Partive Popullore Evropiane (EPP), Joseph Daul, me rastin e përvjetorit të 27 të LDK-së, ka dërguar një mesazh urimi ku thekson se EPP-ja është krenare që ka në gjirin e saj një parti si LDK-ja, njofton zyra e LDK-së, për media, përcjell Klan Kosova. Presidenti Daul thekson po ashtu se lidershipi dhe qeverisja e mirë që kryeministri Mustafa dhe LDK-ja e kanë dëshmuar, janë fondamentale për Kosovën. “Me rastin e përvjetorit të 27-të të partisë suaj, jam shumë i lumtur t’ju dërgoj urimet dhe përgëzimet më të mira. EPP-ja është krenare që ka në gjirin e saj një parti si LDK-ja, partia e parë në Kosovë pas rënies së komunizmit”, shkruan Daul.

klankosova.tv