Lajmet e fundit
Pakkujt i ka rënë në sy ngjashmëria e kapeles së Enver Hoxhës me atë të monarkut Zog dhe stolisja e grand uniformave të tyre me degë ulliri. Është studiuesi Valter Gjoni që e ka konstatuar këtë ngjashmëri.
Në librin e tij të ri, “Enciklopedia pa fund, qytetarët e Tiranës”, ai ka hulumtuar me vëmendje detajet e kapeleve të dy personaliteteve të njohura historike, mbretit Ahmet Zogu dhe diktatorit komunist Enver Hoxha.
“Monarku Zogu I dhe udhëheqësi komunist Enver Hoxha i stolisën uniformat me elementet e degës së ullirit”, shkruan Valter Gjoni në libër, duke përballur dy fotografitë, të Zogut dhe të Hoxhës me uniforma zyrtare. Gjoni ka hulumtuar ngjashmëritë, ku vihet re së pari, se mbistrehja e kapeles, ka si ornament degën e ullirit si simbol botëror i lavdisë./ Shqiptarja.com
