Sonte nga ora 21 në Art Sport 1 dhe dhjetë minuta pasmesnate në Klan Kosova, në kuadër të episodit 469 të ASISTIT, emisionit të parë dhe të vetëm ekskluziv për basketboll adhuruesit e këtij sporti mund të shikojnë shumë tema ekskluzive dhe të veçanta.
E hëna basketbollistike në ASISTIN 469 do të jetë super e pasur.
Mysafirë këtë herë në Asist, tre prej basketbollistëve më të spikatur të vendit tonë: Erjon Morina, Urim Zenelaj dhe Drilon Hajrizi, të cilët zbulojnë shumë gjëra rreth këtij edicioni si nga aspekti personal poashtu edhe ai ekipor.
Natyrisht edhe sonte ASISTI sjell tregimin, raportin dhe aksionin e komplet Ligës Unike dhe Artmotion Superligës dhe ndeshjeve që spikatën gjatë komplet javës së kaluar me ndeshje tejet interesante si ajo Peja - Sigal Prishtina dhe ndeshja tjetër mes Dritës dhe Rahovecit ku u thye një rekord i këtij edicioni. Poashtu edhe të gjitha raportet rreth aksionit në parketet mbarëkombëtare të Ligës Unike.
Në ASISTIN 469 do të shikoni edhe analizën e xhiros së tretë të Superligës së Femrave si dhe lajmet nga Liga e Parë e Meshkujve.
Blloku special Shqiptarët në Botë sërish vjen me lajme për basketbollistët tanë në arenën ndërkombëtare e më pas vazhdojmë me analizën dhe raportet e ABA dhe Euroleagues.
Ajka vjen në fund, java e tretë e NBA 2022 me përmbledhjen javore dhe lajmet më interesante për gjithë atë që ka ndodhur në ndeshjet e nxehta që u zhvilluan në ditët që lamë pas. Gjitha këto dhe shumë më tepër nën moderimin e Agon Fehmiut dhe Ulpiana Emrës me fillim nga ora 21:00 në Art Sport 1 dhe 10 minuta pas mesnatës mund në Klan Kosova, ju sjell ASISTI 469.
●●●
LISHKRIMI NGA
L I
Editorial nga Klan Kosova — ndjek sport dhe zhvillimet e tjera kryesore të vendit.
