Eksplozivi në xhaminë e Drenasit nuk kishte detonator

Policia e Kosovës ka konfirmuar sasinë e mjetit eksploziv të gjetur në oborrin e xhamisë së Drenasit, mirëpo ka njoftuar se rrezik për shpërthim nuk ka pasur, pasi që nuk është gjetur edhe detonatori, i cili aktivizon lëndën shpërthyese, njofton Klan Kosova. “Njësia për trajtimin e materieve eksplozive deminim e PK-së në mënyrë të kontrolluar ka bërë tërheqjen e mjetit eksplodues të llojit ‘TNT’ me peshë 2.2 kg”. “Mjeti i dyshuar eksplodues nuk ka pasur mjete inicuese për eksplodim pasi që  nuk ka pasur detonator ”thuhet në raportin e policisë. Përpos konfirmim të mjetit dhe sasisë, policia ende nuk ka dalë më ndonjë pistë dyshimi.

klankosova.tv