Eksperti i sigurisë: Kosova është vonuar në shpallen e Gjendjes së Jashtëzakonshme (VIDEO)

Eksperti i sigurisë Drizan Shala, tha se përhapja e pandemisë së koronavirusit ka ndikuar pozitivisht në situatën e sigurisë në Kosovë. Shala në rubrikën "Sytë 7" të emisionit të mëngjesit në Klan Kosova theksoi se Qeveria ka të drejtë të caktoj masën e kufizimit për qarkullimin e qytetarëve dhe automjeteve private. "Siguria para pandemisë para shpalljes nga Instituti Kombëtar i Shëndetësisë Publike dhe nga Organizata Botërore e Shëndetësisë, ka qenë në një masë të duhur ka qenë e mirë.Disa grupe kriminale kanë vepruar për të përfituar ndonjë të mirë materiale për vetën e tyre, ndërsa policia e ka mbajtur situatën nën kontroll." "Pas shpalljes së pandemisë situata ka ndryshuar për të mirë, sepse është pamundësuar lëvizja shumë e njerëzve dhe grupeve kriminale në Kosovë, për arsye që ka një ndalesë apo kufizim që qytetarët të qëndrojnë në shtëpitë e tyre për hir të parandalimit të pandemisë " "Unë mbrëmë e kam përcjellë gjithë situatën pas mbledhjes së Qeverisë dhe konferencës së jashtëzakonshme për presidentit. Unë mendoj se Qeveria ka të drejtë të bëj kufizime në qarkullim të njerëzve dhe veturave. Duke u bazuar se në sistemin kushtetues e mundësojnë që në rasteve të caktuara duhet ky kufizim i qarkullimi " Ai shtoi se Kosova është vonuar në shpalljen e Gjendjes së Jashtëzakonshme. Eksperti i sigurisë theksoi se në ditët në vazhdim mund të kemi edhe më shumë të infektuar në Kosovë. "Tani më është vonë që të shpallet Gjendja e Jashtëzakonshme, sepse pandemia ka marrë përmasa të jashtëzakonshme. Kosova është vonë. Vendimi i Qeverisë për kufizimin e lëvizjes së lirë dhe kërkesa e presidentit për Këshillin e Sigurisë Kombëtare e ka një emërues të përbashkët, sigurinë e qytetarëve të Kosovës. Kjo arrihet përmes shtimit të kapaciteteve të plota. Këtë mund ta bëjë vetëm Forca e Sigurisë së Kosovës e cila e ka stafin e trajnuar dhe të përgatitur." "Shumë më jetike është që spektri i gjerë politik t'i lënë anash ndasitë së bashku, që të tejkalojmë këtë pandemi, sepse gjatë ditëve në vazhdim do të kemi infektim të shumë qytetarëve të tjerë. Policia e Kosovës dhe Forca e Sigurisë është pjesë e Planit Kombëtar të reagimit. Sipas informatave këta janë pajisur me gjitha mjetet dhe janë përgatitur për raste". "Para disa ditësh e kemi bërë një shkrim lidhur me një të infektuar i cili tanimë gjendet i shtrirë në Klinikën Infektive të Qendrës Klinike dhe Universitare, i cili më 18 mars e ka vizituar Stacionin Policor në Graçanicë për arsye private.A ka pasur mundësi që ky të infektojë zyrtarët policor, nuk e dimë. Por sipas informatave ky stacion do të dezinfektohet tek me datën 26. Kjo është një datë, një diferencë prej tetë ditësh në këtë pjesë. Aty nuk ka shkuar asnjë ekip mjek njerëzor. Zyrtarët policor i kanë dërguar disa shkresa tek eprorët e tyre, nën dyshimin se mund të jenë të infektuar. Gjendjen e Jashtëzakonshme e përcakton shumë mirë Kushtetuta." https://www.youtube.com/watch?v=xVIvIs9ovTU&feature=emb_title