Ekskluzive: Ky është menaxheri i marketit në Deçan i arrestuar për vjedhjen e 15 mijë eurove

Klankosova.tv ka siguruar profilin ekskluziv të Betim Likajt, menaxherit në një biznes në Deçan, i cili dyshohet se ka përvetësuar 15 mijë euro nga arka e kompanisë ku punonte.

Burime të Klan Kosovës bëjnë të ditur se Likaj është arrestuar dhe ndaj tij është caktuar masa e ndalimit për 48 orë.

Edhe Zëdhënësi i Prokurorisë së Pejës, Shkodran Nikçi, ka konfirmuar ndalimin e të dyshuarit për veprën penale “Vjedhje e rëndë”.

“Menaxheri i pikës në Deçan është ndaluar për 48 orë. Brenda afatit ligjor do të parashtrohet edhe kërkesa për sigurimin e të pandehurit në procedurë penale,” tha Nikçi.

Vërejtje:
Personi i përmendur në këtë artikull, sipas ligjeve të Republikës së Kosovës, konsiderohet i pafajshëm deri në vendimin e formës së prerë nga gjykata. https://klankosova.tv/ekskluzive-menaxheri-i-nje-marketi-ne-decan-arrestohet-pasi-vodhi-15-mije-euro/