Egzon Shkololli shpallet Kampion i Kosovës në kategorinë Men’s Physique -174cm 

Trajneri pejan, Egzon Shkololli, ka shkëlqyer në garën “Kupa e Kosovës”, duke arritur një sukses të jashtëzakonshëm. Ai është shpallur Kampion i Kosovës në kategorinë Men’s Physique -174cm, duke fituar dy kupa të rëndësishme -  njëra në nivel kombëtar dhe tjetra në nivel mbarëkombëtar. Përmes një postimi në Facebook,  Shkololli ka ndarë emocionet e këtij suksesi, duke e cilësuar atë si një shpërblim për përkushtimin, sakrificën dhe punën e palodhshme ndër vite. “Ky sukses është edhe i juaji. Është dëshmi se me pasion, disiplinë dhe një rrjet të fortë mbështetjeje, asgjë nuk është e pamundur",  ka shkruar ai. Shkololli premton se ky është vetëm fillimi i rrugëtimit të tij drejt sukseseve të reja në botën e fitnessit dhe garave profesionale./Klankosova.tv.