Edhe një i arrestuar nga radhët e Vetëvendosjes

Është arrestuar anëtari i kryesisë së Lëvizjes Vetëvendosje, Artan Abrashi, njofton Klan Kosova. Lajmin e ka bërë të ditur zyrtari për media i Vetëvendosjes, Adonis Tahiri, në llogarinë e tij në Facebook. “Artani u arrestua sot, me urdhërarrest të vjetër, me të cilin është arrestuar më parë”, ka shkruar Tahiri. “Lëvizja Vetëvendosje bën thirrje që të ndalen përndjekjet dhe arrestimet e tilla, të lirohen aktivistët e arrestuar, dhe të çlirohet një herë e përgjithmonë sistemi i drejtësisë ashtu që të mund të kemi shtet të së drejtës dhe shtet të barabartë për të gjithë”. “Gjykatat dhe Policia do të duhej të angazhoheshin në luftimin e krimit të organizuar dhe korrupsionit, që nyjet i kanë në majat e pushtetit”.

klankosova.tv