Edhe Maqedonia ka votuar për Kosovën në UEFA

Edhe Federata e Futbollit të Maqedonisë ka votuar për pranimin e Kosovës në UEFA , ka konfirmuar zëdhënës i kësaj federate .

"Kur njeriu i parë i futbollit të Kosovës Fadil Vokrri vizitoi Shkupin, ne e kemi thekësur mbështetjen për Kosovën , edhe sa i përket votave, ne ishim “për” sepse kjo është në interes të futbollit në përgjithësi," tha Faton Zilbeari zëdhënës i Federatës të Futbollit të Maqedonisë, transmeton Klan Kosova.

Ai theksoi se në Kongresin në Budapest  ishte prezentë edhe Ilço Gjorgjioski Presidenti i federatës.