Dyshohet se gjuajtën në natën e Vitit të Ri, policia e Gjilanit gjen armë në shtëpitë e tre të dyshuarve

Të shtunën Policia në Gjilan, ka realizuar një kontroll në shtëpitë dhe objektet përcjellëse të tre të personave të dyshuar në fshatin Cernicë. Kontrolli është realizuar pas pranimit të informacioneve përmes rrugëve operative dhe sigurimit të provave se të dyshuarit mes të datave 31.12.2024-01.01.2025 kanë shtënë me armë në ajër. Organet e rendit aty kanë gjetur dhe konfiskuar: – Një pushkë gjuetie e llojit Liberti Arms e kalibrit 12 mm (me leje), – Një pushkë gjuetie e llojit Lupo Benelli e kalibtir 308 mm (me leje), – Një pistoletë e llojit Cervena Zastave (me leje), – Një pushkë automatike e llojit Thomson Submachine Gun e kalibtir 45 mm pa leje përkatëse, – Një pushkë gjuetie e llojit Benelli Agro – 19 gëzhoja të kalbitir 9×9 mm, – 12 gëzhoja të kalibtir 7×76 mm, – Dy gëzhoja të kalibtir 306 mm, – Shtatë fishekë të kalbitir 9 mm, – Pesë karikatorë të zbrazet dhe – 216 fishekë të kalibtir 30.06 mm. "Tre të dyshuarit janë intervistuar në bazë të procedurave ligjore dhe ndaj tyre do të ngrihet kallëzim penal për veprat penale ‘’Mbajtja në pronësi, kontroll ose posedim të paautorizuar të armeve’’ dhe ‘’Shkaktim i rrezikut të përgjithshëm’’, rast i cili do të procedohen në Prokurorinë Themelore", thuhet në njoftim transmeton Klankosova.tv