Dyshimet për dallavere me prona, gjykata refuzon kërkesën për paraburgim ndaj dy zyrtarëve të Kadastrit

Një aksion policor i gjerë në disa lokacione çoi në pranga 2 zyrtar të Kadastrit, një të gjykatës dhe dy qytetar të martën. Në mesin e të arrestuarve nën dyshimin për keqpërdorim të pozitës zyrtare, legalizim të përmbajtjes së rreme dhe falsifikim dokumentesh ishte edhe Drejtori i departamentit ligjor ne Agjencinë Kadastrale, Bashkim Shaqiri. Për të njëjtin u kërkua nga prokuroria masa e paraburgimit prej 30 ditësh, por, siç raporton gazetarja Altiana Zogaj, kjo është refuzuar nga Gjykata në Prizren. Përfshirë këtu edhe zyrtaren Mejreme Bajrami. Pesë persona u arrestuan për falsifikim dokumentesh, keqpërdorim të detyrës zyrtare dhe legalizimi i përmbajtjes së rreme. Sipas Prokurorisë, dy nga të dyshuarit kanë përdorur një kontratë të falsifikuar të vitit 1966 për të përfituar në mënyrë të kundërligjshme pronë.     https://klankosova.tv/bastisjet-te-agjencia-kadastrale-nje-i-arrestuar-per-dallaveret-me-prona-111/