Dy raste të zjarreve në rajonin e Gjilanit, mijëra euro dëme

Dy raste të zjarrit kanë ndodhur gjatë mesnatës në rajonin e Gjilanit. Rastet u konfirmuan për Klankosova.tv nga policia. Në rastin e parë, në Kamenicë, është djegur një stallë. Rasti ka ndodhur në fshatin Hodonoc, ku sipas siç raportohet dëmi është gjashtë mijë euro. E po ashtu, sot rreth orës 00:50 Policia e Kosovës në Gjilan ka pranuar informacion se në fshatin Budrikë Poshtme një objekt (fabrikë prodhuese) është përfshirë nga zjarri. Kjo u bë e ditur për Klankosova.tv nga zëdhënësi i policisë për rajonin e Gjilanit Valon Osmani. "Njësitet policore relevante së bashku me njësitin e zjarrfikësve kanë dalë në vendin e ngjarjes. Zjarri është lokalizuar, nga i cili zjarr përpos dëmeve materiale lëndime trupore nuk ka pësuar askush. Për momentin shkaqet e zjarrit janë të panjohura", tha Osmani. "Hetues policor nga njësiti i hetimeve në koordinim me Prokurorin e shtetit janë duke punuar në ndriçimin dhe sqarimin e rrethanave të rastit".