Dy plagosje të ndryshme me thikë në Shkodër, 3 të arrestuar

ndodhura në zona të ndryshme të qarkut. Të dyja ngjarjet dyshohet se kanë ndodhur si pasojë e konflikteve për motive të dobëta, ndërsa të plagosurit ndodhen në spital, jashtë rrezikut për jetën. Ngjarja e parë ka ndodhur në lagjen “Tre Heronjtë” të qytetit të Shkodrës, ku dy vëllezër, shtetasit B. B., 38 vjeç, dhe B. B., 41 vjeç, janë arrestuar nga Specialistët për Hetimin e Krimeve ndaj Personit, pasi dyshohet se kanë plagosur rëndë me sende të forta dhe me thikë një 42-vjeçar. I plagosuri ndodhet aktualisht nën kujdesin e mjekëve, ndërsa arma e ftohtë e përdorur në ngjarje është sekuestruar si provë materiale. Vëllezërit akuzohen për veprat penale “Plagosja e rëndë me dashje” dhe “Mbajtja pa leje e armëve të ftohta”. Ndërkohë, në një incident tjetër të ndodhur në fshatin Nderlysaj të Thethit, një 25-vjeçar, F. Th., është arrestuar pasi dyshohet se ka plagosur me thikë një 28-vjeçar, gjithashtu për motive të dobëta. Edhe në këtë rast, i plagosuri ndodhet në spital jashtë rrezikut për jetën, ndërsa arma e përdorur u sekuestrua nga policia. Materialet hetimore për të dyja ngjarjet i janë referuar Prokurorisë për veprime të mëtejshme ligjore.