Dy ndeshje të Champions League në Artmotion: Real Madrid – PSG mund ta ndiqni edhe në Klan Kosova

Nata e sotme për abonuesit e platformës Artmotion sjell super ndeshjet e Ligës së Kampionëve të cilat nuk duhet humbur asesi. Real Madrid – PSG dhe Manchester City – Sporting janë në program për t’u zhvilluar sonte dhe që të dyja këto ndeshje do të nisin nga ora 21:00 dhe do të transmetohen ekskluzivisht në kanalet Art Sport. Sigurisht që para dhe pas ndeshjeve do të keni mundësi të ndiqni emisionin “Champions League Show” nën moderimin e Genta Canës. Duelin titanik mes Real Madridit dhe PSG-së, që do të zhvillohet në “Santiago Bernabeu”, do të keni mundësi ta shikoni në Art Sport 1 dhe Klan Kosova me komentimin e Arlind Sadikut. Kjo ndeshje pritet të jetë spektakolare, sepse dueli i parë përfundoi 1-0 në të mirë të francezëve dhe duke parë formën e Realit të Madridit rezultati ka gjasa edhe të kthehet. Ndeshja tjetër mes Manchester Cityt dhe Sportingut të Lisbonës është histori krejt tjetër, me skuadrën angleze që e ka fituar duelin e parë me rezultatin 5-0 dhe pritet ta kenë të lehtë kualifikimin tutje kurse për ta synuar befasinë skuadra portugeze duhet të bëjë rikthimin më të madh të të gjitha kohërave në këtë garë, gjë kjo e cila parashikohet të jetë shumë e vështirë. Këtë përballje mund ta shikoni në Art Sport 2 me komentimin e Arbon Flugajt. Se cilat do të jenë dy skuadrat që do të rrëmbejnë biletat për kalimin tutje mund ta mësoni sonte live dhe ekskluzivisht në Artmotion.