Dy aktore iraniane përballen me procedura ligjore për mosmbajtje të hixhabit

Aktoret kryesore iraniane Afsaneh Bayegan dhe Fatemeh Motamedarya përballen me ndjekje penale për paraqitjen në publik pa hixhab. Të dyja ato kanë qenë mbështetëse të profilit të lartë të kryengritjes kombëtare që nga fillimi i protestave kundër regjimit iranian 8 muaj më parë, shkruan Euronews, transmeton Klan Kosova. Dy nga aktoret më të njohura të kinemasë në Iran po përballen me veprime ligjore pasi u shfaqën në publik pa veshur hixhabe. Afsaneh Bayegan dhe Fatemeh Motamedarya po merrnin pjesë në një ceremoni në Teheran të dielën për nder të kolegut të tyre aktor Atila Pesiani për të shënuar ditëlindjen e tij të 66-të. Sipas agjencisë së lajmeve Tasnim, dyshja janë akuzuar për “mosmbajtje të hixhabit dhe shqetësim të mendjes së publikut”. Mbajtja e një hixhabi u bë e detyrueshme për gratë në Iran, pas Revolucionit Islamik të vitit 1979, dhe është bërë një "simbol i shtypjes" sipas poetes dhe gazetares iraniane Asieh Amini. Rrini të informuar mbi zhvillimet kryesore duke u bërë pjesë e komunitetit tonë në Viber. BONUS: Merreni aplikacionin tonë në Android dhe iOS

klankosova.tv