“Duhet ta mbrojmë veten”

Kryeministri i Kosovës, Ramush Haradinaj, ka shkruar në llogarinë e tij në Facebook se Kosova duhet të jetë e aftë ta mbrojë veten nga rreziqet potenciale, njofton Klan Kosova. Statusi i Haradinajt vjen pas takimit që patën krerët e institucioneve të sigurisë në Kosovë për të disktuar rreth strategjisë së sigurisë së vendit. “Strategjia e Sigurisë është përgjigjja që institucionet e vendit duhet të kenë në çdo çast për sfidat e garantimit të jetës së qytetarëve të Kosovës pa dallim dhe të sovranitetit dhe tërësisë tokësore të vendit si dhe rendit kushtetues”, shkruan Haradinaj. “Sot me Grupin Punues diskutuam për ridraftimin e Strategjisë së Sigurisë. Kosova duhet të jetë e aftë për ta mbrojtur veten në të gjitha dimensionet, si dhe paqen rajonale dhe më gjerë, përballë kërcënimeve potenciale”.

klankosova.tv