Drunj dashurie për çiftet e reja në Prishtinë

Çiftet e sapomartuara në Prishtinë nga tash e tutje mund ta mbjellin drurin e tyre të dashurisë. Ky projekt do të realizohet nga Komuna e Prishtinës dhe ka për qëllim shtimin e hapësirave të gjelbra në kryeqytet, njofton Klan Kosova. Lajmi është bërë i ditur nga drejtori i Administratës së Prishtinës, Muhedin Nushi, në emisionin “Ju flet Prishtina”, në Klan Kosova. Ai deklaroi se për pak ditë të gjithë çiftet e sapomartuar do të kenë të drejtën të mbjellin drurin e jetës së tyre. Përveç kësaj çiftet të cilët do ta mbjellin drurin e tyre të dashurisë, do njoftohen përmes një aplikacioni telefonik për gjendjen e pemës të tyre. Lokacioni ku është zgjedhur për t’u realizuar ky projekt është hyrja e qytetit në Veternik.

klankosova.tv