Dominika tërheq njohjen e Kosovës?

Ministri i Jashtëm serb, Ivica Daçiq, ka thënë se Dominika, shteti ishullor i Karaibeve e ka tërhequr njohjen e Pavarësisë së Kosovës. Kështu ka bërë të ditur Gazeta serbe Tanjug, transmeton Klan Kosova. Ata kanë publikur edhe një letër të ministrisë së Jashtme serbe, ku thuhet se ky shtet e ka tërhequr njohjen e Kosovës. Zyrtarë nga ministria e Jashtme e Kosovës, akoma nuk kanë dhënë asnjë qëndrim rreth kësaj çështje, pavarësisht insistimit të Klan Kosovës. Dominika e ka njohur Kosovës në dhjetor të vitit 2012, njofton Klan Kosova. “Në emër të popullit të Komonvelthit të Dominikas, është kënaqësi e veçantë të ju informoj se Dominika njeh Kosovën si shtet të pavarur dhe sovran. Përgëzojmë përkushtimin e popullit të Kosovës për të ndërtuar një shtet të pavarur mbi bazën e parimeve të lirisë dhe demokracisë”, thuhej atë kohë në letrën e shtetit dominikan.  

klankosova.tv