Djali i Trumpit pajtohet me Grenellin që tha “mos u mashtroni nga Kurti”

Djali i presidentit amerikan Donald Trump, Donald Trump Junior, e ka shpërndarë postimin e emisarit special të ShBA-së për misione të veçanta, Richard Grenellit, i cili në “X” tha se Qeveria Kurti s’ishte e besueshme gjatë mandatit të parë të Trumpit dhe as gjatë mandatit të Bidenit. Në postimin e tij në “X”, Grenelli tha se retorika e përdorur tani nga Kurti, duke pretenduar se është i afërt me ShBA-në dhe më i mirë se të gjitha qeveritë e tjera të Kosovës “është absolutisht e rreme, mos u mashtroni”. “Kam shumë miq në Kosovë dhe Shqipëri… dhe shumë miq në Serbi dhe në mbarë rajonin. Administrata Trump ka punuar dhe do të vazhdojë të punojë për paqen për të gjithë në Ballkan. Por na duhen partnerë të besueshëm”. “Qeveria Kurti nuk ishte e besueshme gjatë mandatit të parë të Trump-it, as gjatë mandatit të Biden-it. Si Republikanët ashtu edhe Demokratët e kanë kritikuar vazhdimisht Kurtin për ndërmarrjen e veprimeve të njëanshme që destabilizojnë rajonin. Kështu kanë vepruar edhe BE-ja dhe NATO-ja. Komuniteti ndërkombëtar është i bashkuar kundër Kurtit”, ka shkruar Grenelli, transmeton Klankosova.tv. Më tej, Grenelli tha se Kurti ka qenë gjithashtu kundër çdo ideje amerikane të ofruar nga presidentët Clinton, Bush, Obama, Biden dhe Trump. “Kompanitë amerikane po zgjerohen në Shqipëri dhe Serbi, por nuk po zgjerohen në Kosovë për shkak të Kurtit”, tha ai

I have many friends in Kosovo and Albania…and many friends in Serbia and throughout the region.

The Trump Administration has worked and will continue to work towards peace for everyone in the Balkans. But we need trustworthy partners. The Kurti Government was not… — Richard Grenell (@RichardGrenell) February 3, 2025