"Ditët e Kulturës" së Ulqinit vijnë në Prishtinë me ekspozita dhe koncert folklorik

Qendra për Ruajtjen dhe Zhvillimin e Kulturës së Pakicave të Malit të Zi ka njoftuar se do organizojë në Prishtinë aktivitetin kulturor "Ditët e Kulturës së Ulqinit", me një program të pasur aktivitetesh kulturore. Në kuadër të këtij organizimi në Amfiteatrin e Teatrit Kombëtar të Kosovës në Pallatin e Rinisë,  sonte me fillim nga ora 19:00 do të zhvillohet koncerti folklorik i traditës Ulqinake, i cili do të sjellë muzikë dhe vallet karakteristike të këtij qyteti. Një ditë më parë si pjesë e programit të "Ditës së Kulturës së Ulqinit" në Galerinë e Fakultetit të Arteve u hap ekspozita e pikturave nga piktorët akademikë të Ulqinit: Naser Hasa, Bilal Nikezi dhe Edin Kapllani, raporton Klankosova.tv.