Disa të vrarë dhe të plagosur në Damask nga sulmi raketor izraelit

Katër këshilltarë ushtarakë iranianë dhe disa anëtarë të forcave siriane janë vrarë nga sulmi raketor izraelitë në një ndërtesë në Damask, njoftoi agjencia gjysmëzyrtare e lajmeve iraniane Tasnim duke cituar Korpusin e Gardës Revolucionare Islamike.

Televizioni shtetëror sirian, i cili gjithashtu akuzoi Izraelin për sulmin, tha më herët se disa njerëz u vranë dhe u plagosën në sulmin raketor të së shtunës në lagjen Mazzeh, ku ndodhen disa misione diplomatike, përfshirë ambasadën iraniane, shkruan CNN, transmeton Klankosova.tv.

Ekipet e mbrojtjes civile siriane po kërkonin njerëz që ata besojnë se janë të bllokuar nën rrënoja, raportoi televizioni shtetëror, dhe se një numër i ndërtesave përreth dhe automjeteve aty pranë u dëmtuan gjithashtu në sulm.