Lajmet e fundit
Diane Kruger është bërë nënë!
Aktorja gjermano-amerikane dhe i dashuri i saj, ylli i The Walking Dead, Norman Reedus, janë bërë prindër të fëmijës së tyre të parë.
Nuk ka asnjë detaj tjetër – gjinia, emri ose dita kur ka lindur foshnja – nuk dihen saktësisht.
Derisa foshnja është fëmiu i parë për Kruger, Norman Reedus ka një djalë 19 vjeçar nga lidhja me modelen e njohur, Helena Christensen, me të cilën u nda në vitin 2003 pas pesë vjetësh lidhje.
Në ndërkohë, Kruger ishte e martuar me aktorin dhe producentin francez, Guillaume Canet nga viti 2001 deri në vitin 2006. Canet tash ka dy fëmijë me aktoren fituese të Oscarit, Marion Cotillard.
Aktorja ishte në lidhje dashurie me Joshua Jackson nga viti 2006 deri në muajin korrik të vitit 2016.
Diane dhe Norman që kanë luajtur bashkë në filmin “Sky” në vitin 2015 nisën lidhjen e tyre të dashurisë në fund të këtij viti.
Ata bënë debutimin e tyre të parë si çift në tapetin e kuq në muajin janar në Golden Globes 2018.
