Dëshmia ligjore: Auroni u vra me thikë e kaçavidë (VIDEO)

Enes Ay dhe Hajrullah Brcani, që akuzohen për vrasjen e Auron Thaqit, të mërkurën u sollën në Gjykatën Themelore të Prizrenit, për ta dëgjuar dëshminë e ekspertes së mjekësisë ligjore, Bergita Curri. Sipas kësaj, 26 vjeçari pati dy plagë. Por, e para ishte fatale për të, raporton Klan Kosova. Për të dyja këto, avokati i familjes Thaqi, Esat Gutaj, kërkoi më tepër detaje. Por, ekspertja theksoi se nuk kanë arritur t'i përshkruajnë karakteristikat e plagës në kofshën e djathtë, meqë në të ishte intervenuar kirurgjikisht. Curri mohoi të ketë ndodhur vdekja për shkak të neglizhencës së profesionistëve shëndetësorë. E ishte pikërisht dëshmia e saj, ajo që nënës së viktimës ia dha një informatë që kjo s'e kishte pasur më herët. Auroni vdiq në Qendrën Klinike Universitare të Kosovës më 7 korrik të vitit 2024, pak orë pasi kishte marrë plagët fatale. /Klankosova.tv https://www.youtube.com/watch?v=YCnDqY1U3Mk