Depp rrezikon 10 vite burg

Johnny Depp mund të dënohet me 10 vite burg, pasi ka futur  qentë e tij në Australi në mënyrë ilegale. Deep, i cili aktualisht është duke xhiruar "Pirates of the Caribbean: Dead Men Tell No Tales", ka futur qentë e tij në  territorin e Australisë pa i deklaruar duke thyer kështu ligjet shtetërore. Aktori  mund të dënohet me 10 vite burg ose të paguajë një gjobë prej 340 mijë dollarësh, ndërsa autoritetet e kanë cilësuar si një rast shumë serioz. Ditën e hënë, Johnny Depp dhe bashkëshortja e tij, Amber Heard, janë fotografuar teksa kanë mbërritur në Amerikë me avionin e tyre privat, transmeton Klan Kosova. Deri tani nuk ka asnjë deklaratë nga aktori i njohur për këtë incident.

klankosova.tv