Departamenti i Filozofisë në UP: Habermas mbrojti publikisht ndërhyrjen ushtarake të NATO-s ndaj Serbisë

Në kujtim të një prej filozofëve më të mëdhenj të kohës sonë, Departamenti i Filozofisë në Universitetin e Prishtinës shpreh ngushëllimet e sinqerta për ndarjen nga jeta të Jurgen Habermas, një ndër mendimtarët me më ndikim të filozofisë bashkëkohore. Ky departament e nderon Habermasin si një mendimtar të jashtëzakonshëm që kontribuoi në thellimin e debateve filozofike dhe shkencore, duke u shquar gjithashtu për qëndrimet e tij të forta politike, "siç ishte mbështetja për ndërhyrjen e NATO-s në vitin 1999 ndaj Serbisë". "Ndikimi i Habermasit në filozofinë perëndimore është i paçmuar, dhe ai do të mbetet një figurë e pashlyeshme në historinë e mendimit filozofik global", tha Departamenti i Filozofisë në UP. /Klankosova.tv