Kampioni në kategorinë e konstruktorëve në Formual 1, Red Bull, është gjetur fajtor për thyerjen e kufirit buxhetor për sezonin e kaluar.
Buxheti maksimal për shpenzime sezonin e kaluar ka qenë 145 milionë euro.
Ekipi austriak me bazë në Angli e ka pranuar fajësinë duke arritur një marrëveshje me Federatën Ndërkombëtare të Automobilizmit, transmeton klankosova.tv.
Si pasojë, Red Bull e ka pranuar dënimin prej 7 milionë eurove dhe 10 % reduktime në testet aerodinamike në vitin 2023.
Kjo besohet të jetë një goditje për ta në procesin e zhvillimit të bolidit për sezonin e ri në aspektin aerodinamik.
Pasi ata edhe ashtu si kampionë kanë më pak të drejta të shfrytëzimit të procesit që njihet si “tuneli i ajrit”.
Në anën tjetër, FIA ka thënë se Red Bulli ka qenë bashkëpunues gjatë gjithë procesit.
●●●
NSSHKRIMI NGA
Naim Selmani
Editorial nga Klan Kosova — ndjek sport dhe zhvillimet e tjera kryesore të vendit.
