Demi Lovato ndahet nga i dashuri

Katër muaj pasi janë parë për herë të parë së bashku, Demi Lovato dhe i dashuri i saj, disenjatori Henry Levy janë ndarë. Një burim i afërt me 26 vjeçaren Lovato ka konfirmuar për revistën People se çifti tashmë i kanë dhënë fund lidhjes së tyre.

Ata ishin lidhur në muajin nëntor pasi ishin fotografuar së bashku në një darkë në Los Angeles ku kishin shijuar sushi, pak pasi këngëtarja e “Confident” ishte larguar nga spitali ku po merrte trajtim pas overdozës.

Më pas, në muajin dhjetor, Lovato dhe Levy ishin parë shumë të afërt në një restorant në Malibu para se të largoheshin me një veturë së bashku.

Ish-cifti kishin festuar edhe Vitin e Ri së bashku me një udhëtim në Aspen.

Në ndërkohë, sipas një burimi, këngëtarja Demi Lovato pasi është larguar nga spitali pas overdozës “po kujdeset për veten dhe është në gjendje pozitive”.

“Ajo është duke punuar dhe së shpejti do të kthehet në studio që të bëjë muzikë”.