Del para gjykatës i dyshuari për vrasjen e vajzës në Prizren

Në Gjykatën Themelore të Prizrenit është duke u mbajtur seanca ndaj të dyshuarit Mehmet Gorenc, i cili dje dyshohet se e ka vrarë vajzën e tij 15 vjeçare në Prizren, e po ashtu lëndoi me thikë vajzën tjetër 10 vjeçare. Gjithashtu lëndime pësoi edhe gruaja e të dyshuarit. Prokuroria Themelore e Prizrenit, ka paraqitur kërkesën për caktimin e masës së paraburgimit. Kjo u konfirmua për Klankosova.tv nga Marcel Lekaj, zëdhënës i Gjykatës Themelore të Prizrenit. "Në ora 14:30 ka filluar seanca për caktimin e masës së sigurisë. Prokuroria ka paraqitur kërkesë për caktimin e paraburgimit ndaj të dyshuarit për veprat penale "Vrasje e rëndë", "Vrasje e rëndë e mbetur në tentativë" dhe "mbajtje ose posedim i paautorizuar i armëve". Vërejtje:
Personat e përmendur në këtë artikull, sipas ligjeve të Republikës së Kosovës, konsiderohen të pafajshëm deri në vendimin e formës së prerë nga gjykata. https://klankosova.tv/ngjarja-tragjike-ne-prizren-dyshohet-se-babai-e-vrau-vajzen-e-tij-me-thike/ https://klankosova.tv/krimi-i-rende-brenda-familjes-ne-prizren-vajza-qe-e-vrau-babai-eshte-15-vjecare/