Lajmet e fundit
Të qenit nënë është ndjenja më e bukur në botë.
Krahas kësaj vjen edhe puna e palodhshme, frika se a jemi duke bërë gjithçka në rregull e nevoja për të mësuar gjëra të reja.
E këtë përvoje jetësore Dea Venhari-Dragaj, e cila është nënë e një vajze, Anika, punonjëse në një kompani juridike dhe studion në Fakultetin e Arteve – Dramaturgji, ka vendosur ta ndajë me të gjithë, në veçanti me nënat e reja.
Ajo ka lansuar blogun e parë në gjuhën shqipe i cili u dedikohet nënave dhe fëmijëve.
Duke filluar nga aventurat e përditshme të Anikës e deri tek këshilla shëndetësore dhe estetike për nëna dhe fëmijë, blogu “mamadeus” i ka të gjitha.
“Shtatzëninë dhe lindjen e Qupit e kam shijuar në çdo sekond dhe çdo detaj. Përvoja që e kam fituar gjatë këtyre dy vjetëve është e pakrahasueshme, prandaj e kam ndjerë nevojën që të gjitha hapat në të cilat Qupi dhe unë kalojmë, t’i ndaj në blogun tim që i dedikohet të qenurit nënë. Mamadeus është blogu i parë shqip me këtë qëllim dhe shpresoj që edhe shumë nëna tjera të inspirohen për të shkruar blog, pasi që edhe nënat kanë nevojë për të bërë gjëra argëtuese” shkruan Venhari në blogun e saj.
Për më shumë ju ftoj të vizitoni mamadeus.org
