Dalja e votuesve, Cakolli (DnV): Rreth 4 për qind kemi rezultat më të ulët se në zgjedhjet e kaluara

Eugen Cakolli nga Demokracia në Veprim ka thënë se në zgjedhjet e këtij viti ka një ulje të daljes së qytetarëve. Në një konferencë për media, ai ka deklaruar se ulja në fjalë është për 4%, si dhe ka vlerësuar se procesi i votimit ka qenë i qetë gjatë tërë ditës. "Demokracia në Veprim vlerëson që procesi i votimit që nga hapja e vendvotimeve deri në mbylljen e tyre ka rrjedhë në një atmosferë të qetë. Ndërkaq, votuesit kanë demonstruar një nivel të lartë të pjekurisë qytetare dhe asaj demokratike. Dalja e përgjithshme e votuesve në mbyllje të vendvotimeve është 42,1% me margjina gabimi 0.84 për qind". "Këtu nuk llogaritet dalja e votuesve që votuan me kusht dhe votuesit që votuan jashtë vendit. Në këto zgjedhje rreth 4 për qind kemi rezultat më të ulët se në zgjedhjet e kaluara", ka thënë Cakolli. /Klankosova.tv