COVID-19, Italia prin me vdekje në Evropë

Italia është shteti i parë në Evropë me më së shumti vdekje nga COVID-19, pasi ka tejkaluar me numrin e viktimave Mbretërinë e Bashkuar. Vendi ku filloi pandemia në kontinentin evropian regjishtroi 484 vdejke nga COVID-19 në një ditë - shifër kjo më e ulta e vdekjeve ditore në një muaj, shkruan Euronews, transmeton Klan Kosova Sipas të dhënave të Universitetit Johns Hopkins, numri zyrtar i vdekjeve në Itali është 64 mijë e 520 viktima ndërsa në Britani 64 mijë e 267 viktima. Ndër arsyet e përmendura për numrin e lartë të vdekjeve në Itali ishte se ishte vendi i parë në Evropë që u godit nga pandemia, duke lënë punëtorët shëndetësorë të përballen me një virus kryesisht të panjohur. Më shumë se gjysma e vdekjeve të njohura nga Italia COVID-19 u regjistruan në valën e parë. Të dielën, Italia raportoi 17 mijë e 938 raste të reja me COVID-19 teksa numri i përgjithshëm arriti në 1.84 milionë. Kujtojmë se Kryeministri italian, Giuseppe Conte, ka forcuar rregullat e udhëtimit për periudhën e festave të Krishtlindjeve, Vitit të Ri dhe Ditës së Epifanisë. Duke filluar nga 21 dhjetori deri më 6 janar, njerëzit në Itali nuk do të jenë në gjendje të udhëtojnë mes rajoneve përveç për punë ose arsye urgjente siç janë problemet shëndetësore. Nën kufizime në të gjithë vendin, italianët nuk mund të largohen nga qytetet e tyre, pasi qeveria kërkon të dekurajojë familjet dhe miqtë nga tubimet e mëdha.