Lajmet e fundit
Pas përbjes publik të vendimit për dhënien e rekomandimit për liberalizimin e vizave për Kosovën nga komisionari Dimitris Avramopulos, ministri i Integrimeve Europiane, Bekim Çollaku ka thënë se kjo është ditë historike për vendin, në procesin e integrimit europian.
Çollaku e ka cilësuar si konfirmim të përmbushjes së kritereve të kërkuara, duke mos harruar të përmend punën që duhet të bëhet, në mënyrë që procesi pë përbyllet krejtësisht, njofton Klan Kosova.
"Më në fund, ia arritëm të përmbushim edhe një qëllim tjetër për Kosovën. Ju uroj nga zemra të gjithëve për propozimin e sotëm të Komisionit Evropian për liberalizimin e vizave për qytetarët e Republikës së Kosovës".
"Kjo është një tjetër ditë historike në procesin e integrimit evropian. Nga sot po fillon të hapet horizonti evropian para kosovarëve. Ky vendim është rezultat dhe konfirmim i përmbushjes së suksesshme të kritereve të udhërrëfyesit, rezultat i punës së përbashkët të qeverisë, kuvendit dhe institucioneve të pavarura".
"Mbesim të përkushtuar që ta çojmë këtë proces deri në fund sa më shpejt. Vendimi i Komisionit Evropian, vetëm e përforcon edhe më shumë bindjen time, se qytetarët e Kosovës do të udhëtojnë pa viza gjatë këtij viti. Prandaj, duke qenë plotësisht të vetëdijshëm për rëndësinë që ka një gjë e tillë për secilin nga ne, do të punojmë maksimalisht që kjo dite të vjen sa më shpejt. Por sot, të gjithë kemi arsye të ndihemi krenar dhe të gëzuar sepse izolimi ynë mbetet vetëm një kujtim i hidhur i së kaluarës".
