Çmimet e naftës, Tahiri tregon se çka i tha Kusari-Lilës në takim (VIDEO)

Deputeti i Aleancës  për Ardhmërinë e Kosovës, Besnik Tahiri ka folur për çështjen e çmimeve të naftës në vend. Ai në emisionin “DPT te Fidani” në Klan Kosova ka zbuluar edhe detaje nga një takim që ka zhvilluar me Ministren e Industrisë, Ndërmarrësisë, Tregtisë dhe Inovacionit, Mimoza Kusari-Lila. “Unë i kam shkuar në Ministri, në këtë far hasmërie që e kemi politike, unë nuk kam inati person me askënd, në bela nuk jam me ta, unë e kam për mospajtime. Me pajtueshmëri, e kam marrë letren, kam shku, e kam protokolu, e kam takuar Mimozën, i kam thënë fol me Ministrin e Financave, tregoi, sqaroja, nuk është i pabazuar, nuk është se jam zgju një mëngjes dhe e kam shkruar këtë letër, por jam konsultuar me njerëz në mënyrë që të bëhen disa veprime”, tha ai. Tutje, Tahiri kritikoi mënyrën se si është trajtuar kjo çështje nga ana e Ministres, duke theksuar se ajo ka marrë një përgjegjësi që, sipas tij, nuk i takon. “Ajo e mori një barrë që nuk i takon, nëse e ka pasur urdhër është gjë tjetër, për këtë çështje flet kabineti qeveritar, nuk mundesh prej shkallëve të një Ministrie, nuk bëhet kjo punë, kjo duhet të diskutohet, me tregu pse nuk bëhet”, tha ai./Klankosova.tv https://www.youtube.com/watch?v=sTAeSzen1mw