"Çmendet" Man City: 90 milionë euro për yllin e Barcelonës

Manchester City është gati të tronditë merkaton e verës me një ofertë prej 90 milionë eurosh për mbrojtësin 19-vjeçar të Barcelonës, Pau Cubarsi. "Qytetarët" e shohin talentin katalanas si përforcimin ideal, duke vlerësuar pjekurinë dhe aftësinë e tij për të nisur lojën nga mbrojtja, transmeton Klankosova.tv. Për Barcelonën, kjo ofertë paraqet një dilemë të madhe, të arkëtojë një shifër rekord që do të ndihmonte financat e klubit, apo të mbrojë një nga shtyllat e projektit të ri. Cubarsi konsiderohet i paprekshëm nga stafi teknik, pasi përfaqëson identitetin e "La Masia" dhe të ardhmen e mbrojtjes blaugrana për dekadën e ardhshme.